Iceland in Figures 2017

Iceland in Figures er lítill bæklingur á ensku sem Hagstofan hefur gefið út árlega síðastliðið 21 ár. Í honum eru ýmsar lykiltölur um land og þjóð og hefur verið mikil eftirspurn eftir honum í ferðaþjónustu. Bæklingurinn er til sölu í helstu bókaverslunum en hann er einnig aðgengilegur á netinu.

Hagtíðindi 2017

Árið 2017 var 102. árgangur Hagtíðinda. Gefin voru út 27 hefti og er það nokkur fækkun frá fyrra ári. Hagtíðindum hefur fækkað talsvert frá árinu 2010 þegar þau voru flest (77), eða alls um 50 hefti.

Hér að neðan má sjá lista yfir þau hefti Hagtíðinda sem gefin voru út á árinu 2017. Heftin eru gefin út rafrænt á vef Hagstofunnar endurgjaldslaust. Notendur geta valið fréttaáskrift að tilteknum efnisflokkum á vefnum og þannig fengið tilkynningar þegar Hagtíðindi koma út.